تيسرا سبق: خدا كے عظيم پيغمبر ابراہيم (ع)

تيسرا سبق
خدا كے عظيم پيغمبر ابراہيم عليہ السلام


كيا آپ جانتے ہيں كہ حضرت ابراہيم عليہ السلام كے زمانے ميں لوگوں كا كيا دين تھا اور وہ كس طرح زندگى گزارتے تھے_ انہوں نے گذشتہ پيغمبروں كى تعليم كو فراموش كرديا تھا وہ نہيں جانتے تھے كہ اس دنيا ميں كس طرح زندگى گذار كر آخرت ميں سعادت مند ہوسكتے ہيں وہ صحيح قانون اور نظم و ضبط سے ناواقف تھے اور خدا كى پرستش كے طريقے نہيں جانتے تھے _ چونكہ خدا اپنے بندوں پر مہربان ہے اسلئے اس نے حضرت ابراہيم عليہ السلام كو اپنى پيغمبرى كے لئے منتخب فرمايا تا كہ لوگوں كو نيكى اور اللہ تعالى كى عبادت كى طرف راہنمائي فرمائيں
خدا كو علم تھا كہ لوگ تشخيص نہيں كر سكتے كہ كون سے كام آخرت كے لئے فائدہ مند اور كون سے كام نقصان دہ ہيں _ خدا جانتا تھا كہ لوگوں كے لئے راہنما اور استاد ضرورى ہے اسى لئے جناب ابراہيم عليہ السلام كو چنا اور انہيں عبادت اور خدا پرستى كے طريقہ بتائے _ خدا حضرت ابراہيم عليہ السلام كو بتلاتا تھا كہ كون سے كام لوگوں كى دنيا اور آخرت كے لئے بہتر ہيں اور كون سے كام مضر ہيں _
حضرت ابراہيم عليہ السلام بھى اللہ تعالى كے پيغام اور احكام كو لوگوں تك پہنچاتے اور ان كى رہنمائي فرماتے تھے _
حضرت ابراہيم عليہ السلام خدا كے پيغمبر اور لوگوں كے استاد اور معلّم تھے _


سوچ كر جواب ديجئے
1_ پيغمبروں كو كون منتخب كرتا ہے ؟
2_ پہلے انسانوں كا كردار كيا تھا؟
3_ كون سے حضرات زندگى كا بہتر راستہ بتاتے ہيں؟
4_ كيا لوگ خود سمجھ سكتے ہيں كہ كون سے كام آخرت كے لئے بہتر اور كون سے مضر ہيں ؟
5_ حضرت ابراہيم (ع) لوگوں كو كيا تعليم ديتے تھے ؟
6_ حضرت ابراہيم (ع) كا پيغام اور احكام كس كى طرف سے تھے؟