بسم اللہ الرحمن الرحیم
پیش لفظ
یہ کتاب جس کا نام تعلیم دین سادہ زبان میں رکھا گیا ہے '' آموزش دین '' نامى کتاب کا اردو ترجمہ ہے _ جو معارف اسلامى کے مبتدى طلبا کے لئے تدوین اور ترتیب دى گئی ہے _ اس کتاب کے پڑھنے سے اصول عقائد کے ایک کامل باب اور اخلاق و آداب اور احکام اسلامى کے ضرورى حصّہ سے واقفیت حاصل کى جا سکتى ہے _ اس میں کسى استاد کى بھى ضرورت نہیں رہتى _ اس کتاب کو خود آموز بھى کہا جا سکتا ہے _ اگر چہ یہ کتاب سادہ زبان میں معارف اسلامى کے مبتدى طلبا کے لئے تدوین اور ترتیب دى گئی ہے لیکن اس کے مطالب بہت گہرے اور بلند پایہ ہیں کہ اس سے بڑے اور زیادہ استعداد رکھنے والے بھى مستفید ہوسکتے ہیں یہ کتاب چھ حصوں پر مشتمل ہے _
پہلا حصّہ خداشناسى _ دوسرا حصّہ معاد_ تیسرا حصّہ نبوت _ چوتھا حصّہ امامت پانچواں حصّہ احکام اور فروع دین اور چھٹا حصّہ اخلاق اور آداب کے بارے میں ہے اس کے ابتدائی حصّہ میں عقائد کا ایک پورا باب نہایت سادہ اور عام فہم ہے اور کچھ مطالب اخلاق و آداب اور ضرورى احکام کے بارے میں ہیں_ اس کے حصّہ میں بھى اصول عقائد اور معارف اسلامى بیان کئے گئے ہیں لیکن طرز بیان ذرا اونچى سطح پر رکھا گیا ہے دیگر وہ اسلامى احکام اور اخلاق و آداب بھى بیان کئے گئے ہیں جن کا جاننا ہر مسلمان کے لئے ضرورى ہے _ گویا اس کتاب کے دونوں حصوں کے مطالب ایک دوسرے سے مربوط اور جڑے ہوئے ہیں _ جیسے ایک بدن کے اعضاء اور جوارح ہر طرح ہم آہنگ اور جڑے ہوئے ہوتے ہیں _
اس کتاب میں مندرجہ ذیل امور کا لحاظ رکھا گیا ہے :
1_ کتاب کے مطالب کو قصہ کے طور پر سادہ انداز میں بیان کیا گیا ہے تا کہ تمام لوگوں کے لئے موجب توجہ اور عام فہم ہوں اور ان کے اذہان میں بہتر طریقے سے اثر انداز ہوکر ان کے ایمان کے لئے موجب تقویت نہیں _
2_ عقائد کا بیان استدلالى طور سے کیا گیا ہے اور اس کے دلائل سادہ اور مضبوط طریقے سے اس طرح بیان کئے گئے ہیں کہ جسکو ہر چھوٹا اور بڑا سمجھ سکے _
3_ اس میں فلسفیانہ اور علم کلام کے مشکل طرز کے دلائل سے اجتناب کیا گیا ہے _
4_ اللہ تعالى اور اس کے صفات کے اثبات کے لئے قرآنى طرز استدلالى کو اپنا یا گیا ہے _ یعنى جہان عالم اور نفوس انسانیہ کے مطالعے کو محور بنایا گیا ہے کہ جسے در حقیقت برہان نظم اور پیدائشے جہان کى غرض کے مشاہدہ سے تعبیر کیا جا سکتا ہے _
5_ مطالب کے بیان کرنے میں کوشش کى گئی ہے کہ پڑھنے والے کى جستجو اور خدا کى فطرت کو اجاگر کیا جائے تا کہ وہ ان مطالب کو سمجھ سکے اور اس کے اندر نور ایمان پیدا ہوجائے کہ اس قسم کا ایمان مضبوط اور مستحکم اور پائیدار ہوتا ہے _
6_ اخلاق اور آداب کے بیان کرنے میں بھى یہى کوشش کى گئی ہے کہ پڑھنے والے کى اس فطرت کو بیدار کیا جائے جو اچھائی کى طرف میلان رکھتى ہے اور کمال کو حاصل کرنے کى خواہشمند ہوتى ہے تا کہ اچھے اور برى صفات کا خود مشاہدہ کرتے ہوئے تکمیل کے راستے کو پالے اور اس کو اپنائے
7_ ہر سبق کے آخر میں اس سبق کا خلاصہ اور ضرورى مطالب کو سوال اور جواب کى صورت میں بیان کیا گیا ہے تا کہ پڑھنے والا ان کے جوابات دینے کے لئے دوبارہ اس سبق کو دیکھے اور پڑھے اور اپنى کوشش اور سعى سے اسے حل کرے
آخر میں یہ بتلانا ضرورى ہے کہ یہ کتاب اگر چہ نئی اور حیرت انگیز ہے لیکن یہ کوئی نئی تالیف نہیں بلکہ وہى کتاب ہے کہ جس کا نام آموزش دین تھا جسے پانچ جلدوں میں چھاپا جا چکا ہے لیکن اب اسے'' انصاریان پیبلیشرز'' کى خواہش پر انہیں مطالب کو اس طرز بیان کے ساتھ تبدیل کرکے منظم کردیا گیا ہے _ اور یہ بتلانا بھى ضرورى ہے کہ اس کے پہلے اور دوسرے حصّہ میں مسئلہ عدل اور دیگر فروعات دین سے بحث اس لئے انہیں کى گئی کہ اس کا سمجھنا اکثر پڑھنے والوں کے لئے مشکل تھا _ انشاء اللہ یہ مطالب اس کتاب کے تیسرے اور چوتھے حصّہ میں بیان کئے جائیں گے _ امید ہے کہ یہ کاوش بارگاہ خدا میں مقبول اور پڑھنے والوں کے لئے فائدہ مند اور قابل توجہ قرار پائے
ابراہیم امینی
قم _ حوزہ علمیہ
بہمن ماہ سنہ 1361 شمسی